كيف اكسب من اليوتيوب شرح مفصل

السلام عليكم يا شباب
النهارده انا هتكلم ازاى نكسب

من اليوتيوب 

ده يعتبر ملخص ومهم اوى للمبتدئين ال عايزين يكسبوا من اليوتيوب 

ومش عارفين يبدأو منين

انا هتكلم عن الموقع المهمة والضرورية 

يعنى تزبيط الـSEO

ده مهم اووى 

ع العموم اسيبكم مع الشرح

  
ـــــــــــــــــــــــــــــــــــــــــــــــــــــــــــ
اولا يعني ايه يوتيوب ؟
اليوتيوب هو منصة الفيديوهات المعروفة تمكنك من نشر فيديو ووضع عليه اعلانات كل مشاهد شاهد او شغط على اعلان ما ستاخد مقابل معين
تمام كدا اظن كدا تمام
طيب ايه المطلبات الي انا عاوزها علشان اعمل قناة حلوة و فيديوهات نظيفة و اقدر اكسب من اليوتيوب ؟
المتطلبـات هـي :-
حساب ادسنس مستضاف سواء امريكي او عادي
موقع google trend
موقع dailymotion
موقع yourkeyword
موقع ubersuggest
برنامج photoshop
برنامج camstudio
ــــــــــــــــــــــــــــــــــــــــــــــــــــــــــ
نبدا بقا الشـرح .. بسـم الله
اولا : google trend
جوجل تريند هو موقع موفرهولك جوجل علشان تقدر تشوف اعلي الفيديوهات في اي دولة
طيب هانستخدمو في اييه ؟؟
اقولك انا اصبـر بس
انت هاتكتب جوجل تيرنيد في السيرش بعد كدا تختار اي دولة انت عاوزها وليكن على سبيل المثال استراليا تمام ؟؟
هاتختار استراليا هايطلعلك مثلا فيديوهات للقطط
اذا اعلي مشاهدة او الفيديوهات المفضلة للاستراليين هي القطط مثلا
طب انا هستفاد من الموقع دا في اييه ؟؟
اقوولك انا متستعجلش
انت دلوقتي هتشوف بقا مثلا مصر هايظهرلك ماتش الاهلي و انبي مثلا يعني
انت كدا عرفت ايه الفيديوهات الاكثر مشاهدة تمام
ــــــــــــــــــــــــــــــــــــــــــــــــــــــــــــــــــــــــــــــــــــ
موقع dailymotion

الموقع دا شبيه باليوتيوب بس طبعا اليوتيوب يختلف عنه في المكسب و كدا
طيب هاتقولي انا هستفاد منو اييه
  انت دلووقتي مثلا عاوز فيديو مضحك او ايا كاان
الموقع دا فيه كل حاجة انت عاوزها
بمعني انك لو عاوز فيديو كوميدي هتلاقي فييه
تمام طيب ليه مخدناش الفيديوهات من اليوتيوب ؟
علشان اليوتيوب اكتر فيديوهاته عليها حقوق ملكية و طبعا انت بكدا هتعرض قناتك للخطر
ـــــــــــــــــــــــــــــــــــــــــــــــــــــــــــــــــ
موقع yourkeyword
+
موقع ubersuggest

المـوقعين دول اهم من بعض
لان كل موقع بيكمل التاني
طيب ايه لازمتهم 
اقوولك انا ..
الموقعين دول بتجيب منهم حاجة اسمها التاجز
التاجز دي عبارة عن كلمات مفتاحية بتكتبها على اي فيديو انت هاتنزلو بحيث انو يظهر للمشاهدين بسرعة و يكون في وشهم على طوول
تمام طريقة شغلهم انك تحط اسم اي حاجة عاوز تجيبلها تاجز
مثلا مباراة الاهلي و انبي
تكتب كدا هايظهرلك نتائج تاخدها و تحطها بس متكترش عن 15 كلمة
ــــــــــــــــــــــــــــــــــــــــــــــــــــــــــــــــــــــــ
برنامج photoshop

كتيير هايقولي ايه لازمة الفتوشوب في الشرح ؟
بص الفتوشوب من اهم حاجة في الشرح دا
طب لييه ؟؟؟
لانك هاتعمل على الفتوشوب دا صورة مصغرة
(الي بتبقي موجودة على الفيديو قبل ما تشغلو )
طبعا دي من اهم الحاجات الي بتكون موجوة و الي بتخلي المشاهد يدل على الفيديو و يتشوقله
تمام كدا انت تعمل صورة مصغرة حلوة بحيث تجذب الانتباه
ـــــــــــــــــــــــــــــــــــــــــــــــــــــــــــــــــــــــ
برنامج camstudio

البرنامج دا هايساعدكو جدا في تظبيط الفيديو
يعني لو عاوز تقص حتة او تزود حتة البرنامج فيه كل حاجة تقدر تعملها
و حلو جدا في تنسيق الفيديو للمشاهدين
___________________________
اسئلة مهمة جدا خلي بالك منهاا ...
اولا العنوان :-
العنوان لازم يكون بيشد الناس
بمعني انك تكتب ايه
مثلا فيديو بتاع فرص ضايعة و كدا في الكورة
تروح تكتب شاهد اغرب الفرص الضائعة في تاريخ كرة القدم
كدا يعني حاجة تشد المشاهدين
تانيا الديسكريبشن :-
او الوصف
الوصف من اهم الحاجات الي في الفيديو
و ليه راجع كبير في ان الناس تلاقي الفيديو بتاعك على طول بدون مشاكل
الوصف ماتخليهوش يقل عن 20 سطر
و تكتب فيه كل المحتوي الي جوا الفيديو
يعني لو فديو لمسرح مصر تكتب
علي ربيع - محمد اسامة - حمدي المرغني
و كدا يعني ميقلش عن 20 باذن الله
التاجز انا شرحتها فووق و كدا تمام اوي
تمام يا شباب اظن بكدا كل حاجة انا شرحتهاا عن اليوتيوب
طب كدا اليوتيوب خلص ؟؟
لا ابا اليوتيوب مجااله كبيير جداا
بس لازم صبر الاول و باذن الله هنزل كورس كامل عن اليوتيوب و ازاي تكسب منه
كده الشرح خلص اتمنى ان يكون اعجبكم لو الشرح عجبك متنساش تعمل شير وتعلق برائيك 

والسلام عليكم